Baju Kerawang Gayo

Lyrik Lagu Gayo - MANAT

(Cipt. Iwan || Voc. Iwan)

Nge ikhlas aku, wo anak ku meluah i kao
Bier wan ni ate terasa karu, turah kuterime
Besilo anak ku, nge ara judu, morep wan denie
Buge bahgie, kao roan mu, i wan rumah tenge

Gelah mengerti, suami istri, gelah saling setie
Gelah saling jujur, enti ara tuni, iwan ni kekire
Resie diri, kujema rami enti i cerite e ee
Paleng pe jema, kedek mulawi, si mongot kite

Oya le mulo, ari ama ine, kujantong rasa
Buge mulie wan rumah tenge, aman sejahtera

Ke ara masalah enti i emah akhire ku dewe
Gelah roan mu bermusyawarah saling menerime
Ike beret musalah gelah mulangkah ko jema tue
Enti ku jema mai arah, kemel kese kite

Ine rum ama suntuk berdo'a, jep waktu si lime
Buge anak ku jarak ri mara selisihmi bele
Rajen semiang, ko ku mushala, enti ara lupe
Ike jeroh ibadah wan rumah tangga mudah rejeki te

Oya le mulo, ari ama ine, kujantong rasa
Buge mulie wan rumah tenge, aman sejahtera

Lyrik Lagu Gayo - Mongot

(Cipt: Alm. Safruddin || Voc. Sakdiah.)

Kucak berkaol, konot bernaru
Lanyut umur mu, mudah rejeki
Mutuah bahgie mi, kao anak ku
Kejang payah ku, buge muarti

Perange perasat, gelah jeroh lagu
Gelah mutentu, do'a ari kami
Ku laililahen kao anak ku
Mes ko matamu lale wan nipi

Wuoooooiiii, Wuoooooiiii
Woi anaku bantal nulu ken ules nome.
Mongot enti mongot 2x
Oteh item onot, gere nae mokot
Kao munemeng time

Gelah bicer jinger, sediken ku talu
Sana mangku, ules niperi
Tingkah serakah, seriet bersebu
Kekire natengku enti kukuen kukiri

Kul nate ken anak, lagu jelen muliku
Gere mera buntu naru ni dene
Peri berabun tungker langkahmu
Kusipe beloh mu, mubudipekerti

Wuoooooiiii, Wuoooooiiii
Konot ken penikot, naru ken penegu anak ku

Mongot enti mongot 2x
Oteh item onot, gere nae mokot
Kao munemeng time

Pemandangan dan Adat Gayo